Adduunyada dhammaanteed haddii adi laguu dhiibo, hadduu aqalku kaa guda xun yahay aayatiin ma laha e.

qoraalkani waxa fasixi kara qoraaga oo keliya
 

 

    

 

Jidhkaaga qurux ku ilaali:

 

Muddo badan ayaad eegaysaa sawirkii carooskaaga. "allaa yaraydaa, dhexdu qabatin ayey ahayd, halkani sidani ayey ahayd, ahey ah alleylehe islaan ayaad noqotay oo waad isku dhex daadatay". hadalladaasi iyo kuwo kale ayaa maankaaga ka guuxaya, jawaab uma haysid ee niyad jab ayaad la jiiftaa. ha murugoonin, hana doonan wixii dumarku ku ba'anaayeen ee sixirka iyo faaliyaha ahaa. Ufiirso, inan kasta oo qurux iyo qaab ku faanaysay waxay naaxdaa oo fool xumaataa marka ay dhowr dhasho. weli waad da' yartahay, mushkilladu waxa weeyi cuntada aad cunto oo u badan walaxda qofka buurnaysiisa, Fadhiga faraha badan, iyo adiga oo aan jimicsi iyo is qaabayn aan samaynaynin. Dumarku waa isku mid, bal carabta eeg, weli wey da' yar yihiin, bal gaalada kale eeg inay wax dhaleenba lama moodo. Waxan arkay dumar faro badan oo cunaya kiniinka Vtop inu sidaasi u qoran yahay ayaan u malayniye cunaya oo raba in ay is naaxiyaan, waa faan iyo dhaqan ay dumarku isugu yaboohaan buurnidani.

caafimaad ahaan iyo nolol qoys ahaaneedba way u daran tahay e, quruxdaadu kuma xidhna baruur iyo in aad is caddaysid e, hilibka yaree.

Ku qabil ninkaaga weji furan oo : riix halkani:

SIRTA NOLOSHA:


Hilaygiyo waxaan saabka
U gilgiley Samaw haanta
Subag inay ku dhiiqdaaye
Saasay ku badisaaye
Sannad weliba xeeshiiye
Kol hadday silloonaato
Samaheedu waa dhiige
Sumuc talada loo dhiibye
Sida sida sidaas weeye
Si la yeeli jirey weeye

Marka xiga Samaw heedhe
Talo sibiq dhaqaaqeeda
Soof-daran habawgeeda
Sal-fudaydka hooggiisa
Bal sallaankan fuul laalan
Iyo sagabtan heensaysan
Dhulka saas u jeedaali
Sidan iyo sidaas fiiri
Sidan iyo gadaal dheeho

Raqda solan lafaa soogan
Bal su'aal u celi meydkan
Sababtuu u go'ay raadi
Bal dhegeyso saylaanka
Iyo salowga beer-qaadka
Iyo sebiga yeedhiisa
Waxaad aragtay oo saasa
Waxaad maqashayoo saasa
Maxaad odhan lahayd Suudi?

IDHO BADAN

God abeeso ninkii
Illinkeeda degow
Taladaadu iyaa
Ma allow sahal baa?

Arraweelo markay
Laba eefka lahayd
Igadh geela haddii
Nin aroorsan lahaa
Amarkeedu hor yiil
Odhan mayno kolkey
Awooddii rag dhintay
Sii agaasimatoo
Aakhiruu ku maqnaa
Ugaaskay dhaxashoo
Arrimii dhacay qaar
Utintooda haddeer
Lama oogi karoo
Abba looma hayoo
Sheekadaaba iskeed
Ma amaahan karee
Halka aahdu ku taal
Waa la sii axadhaa
Godob oofa ruqdaa
Aabudhkeeda riddoo
Alolkay jaratoo
Ibahay furatoo
Aslimayno dhaliil
Odjamleedi durkee
Immankaynu hubnaa
Waxa eegga jirree
Awgayow taladii
Ifka maw rogannaa

HOOYO:

Hooyoy la'aantaa
Aduunyadu hubaashii
Habeen kama baxdeenoo
Iftin lama heleenoo
Dadku uma hayaameen
Xiddig hawd ka lulatoo
Sida haad ma fuuleen
Dayax heego joogoo
Hubka laguma tureen
Hawo laguma gaadheen
Cirka hirar ka muuqdoo
Hooyoy addoomuhu
Halkay maanta joogaan
Adigow horseedoo
Intaad hanad xambaartee
Haaneedka siisee
Horaaddada jaqsiisee
Habtay baan xisaab iyo
Tiro lagu heleynoo.

 
noloshaqoyska 35333 visitors (91656 hits) bogani
=> Do you also want a homepage for free? Then click here! <=
Garashiyo sugnaan yeelo, falka sami ha kuu raaco, mana jiro sed kaa baaqday.