Adduunyada dhammaanteed haddii adi laguu dhiibo, hadduu aqalku kaa guda xun yahay aayatiin ma laha e.

qoraalkani waxa fasixi kara qoraaga oo keliya
 


5:- Fahan dareenka laguu qabo:-


Sida aad dareen u leedahay marar badan kugu dhaqaajiya (Hagaya) inad go’aan cayiman qaadato amma aad ra’yi gaar ah dejiso, ayey qayrkaana ugu sugan tahay lahashadaasi oo klae, oo sidaad ugu hanweyn tahay inay dareenka kugu duugan u dhowraan ayey iyaguna u jecel yihiin inad lahashadooda ayey iyaguna u jecel yihiin inad lahashadooda ilaaliso. Waxa laga yaabaa inu ruuxu qaldamo, ha canaananin, maskax degan iyo samir u yeelo, ku dheh:- fiiri maxaan samayn lahaa haddaan halkaaga jog? Haddaad dariiqaa u su’aasho qayb ayaad hanatay, qayb baana kuu hadhsan, si aad u ballaadhisana waa inad hab la yaab leh u hansiisaa.

 Marka aad qof canaanato waxa aad jabisay qaybo idil oo hawlo ah oo uu kalsooni kuugu qaban lahaa. Waxad ku dhalisaa inu naftiisa go’aan u gaadhi waayo oo uu canaan darted uga noqnoqdo. Waxaasi oo dhami waxay burburiyaan awooddii iyo kalsoonidii agtaada ka heley. Marka ay niyadaada ka soo baxdo inad qof wax u sheegto hoga-tusaalee, isaga oo cadhoonayana waxba ha ku odhan; waxad markaa demisay qalbigiisii karayey. Tusaale ahaan Islaan xanaaqsan oo kooxo badan wadata kugula soo dul dhacday oo ummadda dhamaantood kugu kicisay. Gar bay u yeelaty oo xoolo ayey kugu leedahay. Laakiin in kastoo aad arkayso inaanay dhabbo sax ah ku socon; waxa habboon in aanad la qaylin oo aad dejiso, dhegeyso intay hadlayso oo idil, marna hadalka ha ka dhex gelin, fadhiisi oo markay wax kasta dhammayso u shub sharaab kana cudur daaro lugooyada aad u geysatay, oo waxay rabtayna sii, amma hadal macaan oo qanciya ku sagooti. Markaad dariiqaa marto waxad ilaalisay dareenkeega iyo lahashadeeda.

Adiga oon awood u adeegsanin dad burbur wada difaacooga, ayaad ka badbaadin kartaa inay falkaasi ku kacaan. Ku cibaaro qaado tusaalahani uu bixinayo qoraaga buugga aan nuqullo badan ka soo qaadanayo. Isagoo tamashlaynaya kayn dhexdeed ayuu arkay qaybo keynta ah oo gubanaysa. Ma awoodayn inu bakhtiiyo geedaha ku macaan daawashada. May ahayn qaar uu sigaar nin caajis ahi ku tuuray u gubanaya. Laakiin carruur ayaa dabka shidday iyagoo rabay inay cunto ku karsadaan waxanay illaaween inay bakhtiiyaan…. Maalin kale ayuu arkay uabadkii oo dab shidaya. Markaasuu dareemay khasaraha ka iman kara. Wuxu u rooray xaggii askarigii kaynta ilaalinayey. Wuxu qoraagu u hadlayey sidii nin uga dedaal badan ilaalad kaynta. Intuu si la yaable indhaha uga tafiyey ayuu ku yidhi askarigii “Maxaa kugu kellifay inad ka mid noqoto kooxda ilaalada danta guud” kaddib wuxu u dhaqaaqay dhankii carruurta, intuu u muusooday (dhoolla caddeeyey) ayuu ku yidhi “aah…… eega carruureey maxaad cunto karsateen………… dabkiinaa wanaagsan…….sidaasi oo kale ayey u karsan jireen aabbayaasheenii hore. Waxaanan filayaa inad ku faraxsan tihiin, laakiin nasiib xumo badhkood ayaan ilaalin jirin maslaxadda guud. Bal eega, iyagu kuma dhiirradaan inay dabka demiyaan markay ku adeegtaan. Olol ayaa kordha, markaasay geeduhu sidani oo kale u gbtaan. Miyeydaan arkayn inay geedo qurux badan yihiin, oo ilaalo u baahan. Farxad baa ka iftay wejiyadii carruurta oo waxay uga mahadiyeen naxariistiisa iyagoo mahadiyey naxariistiisa cuntadiina badh ayaabay siiyeen. Taasi waxa ka muhiimsan inay ballan qaadeen inay bakhtiiyaan dabka markay xaajadooda ku dhammaystaan.

 Sidaasi ayuu askarigu ugu gaadhay u jeedadiisii hab ka fiican kii hore ee qoraaga. Taasi kumay imanin waxaan ahayn inu fahmay lahashada carruurta, markaasuu uga sheekeey wuxuu rabay. Haddii uu amar ku bixiyo waxa laga yaabaa inay oog dab ah ka shidaan goob ka fog indhaha askariga; intaasi oo dhanna abaal dhigaan xad gudubka loo geystay.

 Fahamka lahashada dadku waxay ku hanadsiisaa saaxiibo badan, abaal marin suuban, iyo khasaaraha ood yarayso.

6:-Maxay dadku rabaan?

SIRTA NOLOSHA:


Hilaygiyo waxaan saabka
U gilgiley Samaw haanta
Subag inay ku dhiiqdaaye
Saasay ku badisaaye
Sannad weliba xeeshiiye
Kol hadday silloonaato
Samaheedu waa dhiige
Sumuc talada loo dhiibye
Sida sida sidaas weeye
Si la yeeli jirey weeye

Marka xiga Samaw heedhe
Talo sibiq dhaqaaqeeda
Soof-daran habawgeeda
Sal-fudaydka hooggiisa
Bal sallaankan fuul laalan
Iyo sagabtan heensaysan
Dhulka saas u jeedaali
Sidan iyo sidaas fiiri
Sidan iyo gadaal dheeho

Raqda solan lafaa soogan
Bal su'aal u celi meydkan
Sababtuu u go'ay raadi
Bal dhegeyso saylaanka
Iyo salowga beer-qaadka
Iyo sebiga yeedhiisa
Waxaad aragtay oo saasa
Waxaad maqashayoo saasa
Maxaad odhan lahayd Suudi?

IDHO BADAN

God abeeso ninkii
Illinkeeda degow
Taladaadu iyaa
Ma allow sahal baa?

Arraweelo markay
Laba eefka lahayd
Igadh geela haddii
Nin aroorsan lahaa
Amarkeedu hor yiil
Odhan mayno kolkey
Awooddii rag dhintay
Sii agaasimatoo
Aakhiruu ku maqnaa
Ugaaskay dhaxashoo
Arrimii dhacay qaar
Utintooda haddeer
Lama oogi karoo
Abba looma hayoo
Sheekadaaba iskeed
Ma amaahan karee
Halka aahdu ku taal
Waa la sii axadhaa
Godob oofa ruqdaa
Aabudhkeeda riddoo
Alolkay jaratoo
Ibahay furatoo
Aslimayno dhaliil
Odjamleedi durkee
Immankaynu hubnaa
Waxa eegga jirree
Awgayow taladii
Ifka maw rogannaa

HOOYO:

Hooyoy la'aantaa
Aduunyadu hubaashii
Habeen kama baxdeenoo
Iftin lama heleenoo
Dadku uma hayaameen
Xiddig hawd ka lulatoo
Sida haad ma fuuleen
Dayax heego joogoo
Hubka laguma tureen
Hawo laguma gaadheen
Cirka hirar ka muuqdoo
Hooyoy addoomuhu
Halkay maanta joogaan
Adigow horseedoo
Intaad hanad xambaartee
Haaneedka siisee
Horaaddada jaqsiisee
Habtay baan xisaab iyo
Tiro lagu heleynoo.

 
noloshaqoyska 35682 visitors (92322 hits) bogani
=> Do you also want a homepage for free? Then click here! <=
Garashiyo sugnaan yeelo, falka sami ha kuu raaco, mana jiro sed kaa baaqday.